WordPress ཕབ་ལེན།

མཐེབ་གཅུས WordPress ཕབ་ལེན་ཞེས་པ་དེར་བསྣུན་ནས་བོད་ཡིག་པར་གཞི་ཕབ་ལེན་བྱེད་ཆོག

ཕབ་ལེན་བྱས་རྗེས་སྡུད་སྒྲིལ་ཁུག་མ་དེ་བསྡུས་འགྲོལ་བྱས་ཏེ། ཡིག་ཁུག་ཁ་ཕྱེ་བ་ན readme.html ཡིག་ཆ་དེ་མཐོང་ཐུབ་བ་དང་དེའི་ནང་དུ WordPress ངོ་སྤྲོད་དང་སྒྲིག་འཇུག་དང་རིམ་སྤར་བྱེད་ཐབས་སོགས་ཅི་ལྟར་ཡིན་པའི་སྐོར་ལ་ཞིབ་ཏུ་བརྗོད་ཡོད་པ་དང་། ཁྱེད་ཀྱིས་བྱ་རིམ་ཡིག་ཆ་དེ་དག་རང་གི་གཙོ་འཁོར་རམ་ཡང་ན་བར་སྟོང་ནང་ལ་སྐྱེལ་འཇོག་བྱས་ཚར་རྗེས། སྒྲིག་འཇུག་བྱེད་པར་དུས་ཡུན་སྐར་མ 5 མ་གཏོགས་འགོར་གི་མེད།

གལ་ཏེ་ཁྱེད་ཀྱིས་དབྱིན་ཡིག་གི WordPress སྤྱོད་བཞིན་ཡོད་ཚེ། ཡང་བསྐྱར་སྒྲིག་འཇུག་བྱེད་པའི་ངལ་བ་མ་མཆིས་ཏེ། དྲ་ཚིགས་ལྟག་རྒྱབ་ཀྱི་ཡོ་ཆས་སྟེགས་བུ་ནས་སྒྲིག་འགོད་བརྒྱུད་དེ་དྲ་ཚིགས་ཀྱི་སྐད་ཡིག་བོད་ཡིག་ལ་འདེམས་པས་འཐུས། བོད་ཡིག་གི WordPress སྡུད་སྒྲིལ་ཁུག་མ་ནི་དབྱིན་ཡིག་གི SVN ཁུངས་ཀྱི་རྨང་གཞིའི་སྟེང་རང་ཤུགས་ཀྱིས་བཀོད་འཛུགས་བྱས་པ་ཡིན།

WordPress ནི་དྲ་ཚིགས་དོ་དམ་མ་ལག་ཞིག་ཡིན་པ་རེད། མིག་སྔར WordPress ནང་ལ་བོད་ཡིག་གི་སྡེ་ཚན་ཡོད་ལ། དུས་རྒྱུན་ཐོན་རིམ་གསར་བཅོས་བྱེད་ཀྱིན་ཡོད།

WordPress དོ་དམ་མ་ལག་འདི་བེད་སྤྱོད་བྱེད་སྟངས་ནི་ཤིན་ཏུ་སླ་སྟེ། དེའི་གོ་རིམ་ནི་གཤམ་གསལ་ལྟར།

  1. དྲ་གནས་དང་བར་སྟོང་ཉོ་བ།
  2. WordPress ཕབ་ལེན་དང་བར་སྟོང་ནང་ལ་སྐྱེལ་འཇོག
  3. སྒྲིག་འཇུག་བྱེད་དུས་བོད་ཡིག་འདེམས།
  4. ཁྱེད་ཀྱི་དྲ་ཚིགས་ནང་ལ་རྩོམ་སྤེལ་བ།
  5. ཁྱེད་རང་གི་དྲ་ཚིགས་དེ་ཀུན་ལ་འགྲེམས་སྤེལ་བྱེད་པ།

ཕབ་ལེན་བྱེད་དུས་སུ་བོད་ཡིག་སྡེ་ཚན་གྱི་དྲ་ཚིགས་ནས་ཕབ་ལེན་བྱེད་ཆོག་པ་མ་ཟད། WordPress གཞུང་ཕྱོགས་དྲ་ཚིགས་ནས་ཐད་ཀར་ཕབ་ལེན་བྱས་ཀྱང་ཆོག་གི་ཡོད་ལ། དྲ་ཚིགས་དོ་དམ་བྱེད་སའི་ལྟག་རྒྱབ་ནས་སྐད་ཡིག་དེ་བོད་ཡིག་འདེམས་རྗེས། འཆར་ངོས་ཆ་ཚང་བོད་ཡིག་ཏུ་འགྱུར་འགྲོ་གི་ཡོད་པ་དེ་འདྲ་ཞིག་ཡིན།